काठमाडौं, १२ मंसिर । १३ औं दक्षिण एसियाली खेलकुद (साग)को पूर्वसन्ध्र्यामा राष्ट्रिय खेलकुद परिषद्ले र नेपाल मिडिया सोसाइटीवीच आठ बुँदे सम्झौता भएको छ ।

आज राजधानीमा भएको एक कार्यक्रममा राखेपका सदस्यसचिव रमेश सिलवाल र नेपाल मिडिया सोसाइटीका अध्यक्ष शुभशंकर कंडेलवीच आठ बुँदे सम्झौता भएको हो ।

सम्झौतामा साग खेलकुदलाई अधिकतम रुपमा मूल प्रवाहका आम सञ्चार माध्यमले प्रर्वधन गर्ने, नेपालको खेलक्षेत्रलाई थप प्रभावकारी बनाउदै लैजाने, आगामी दिनहरुमा नेपाल मिडिया सोसाइटीलाई राखेपले प्रवर्धधनात्मक तथा क्षमता अभिवृद्धिका लागि संस्थागत सहयोग गर्ने उल्लेख गरिएको छ ।

सहमतिपत्रमा खेल क्षेत्रलाई थप सुधार गर्न नेपाल मिडिया सोसाईटी र राखेपवीचको सम्वन्धलाई थप प्रभावकारी बनाउने तथा सहकार्य गर्ने आदि कुराहरु समेटिएको ८ बुंदे सम्झौता भएको अध्यक्ष कंडेलले बताउनुभयो ।

कार्यक्रममा नेपाल मिडिया सोसाईटीका अध्यक्षले कंडेलले नेपाली संचारमाध्यमले निवार्धरुपमा समाचार संकलगर्ने पाउनु पर्ने र नेपाली संचार जगतले आयोजकलाई निर्वाधरुपमा प्रश्न गर्नपाउने अधिकारलाई भने कतैबाट कुण्ठित गर्न नपाइने बताउनुभयो । उहांले सवै पत्रकारले पनि आफ्नो दायित्व र पत्रकारिताको धर्म निभाउने गरि काम गनुपर्ने पनि बताउनुभयो ।

सम्झौतापत्र आदनप्रदान गरेपछि खेलकुद परिषद्का सदस्य सचिव रमेश कुमार सिलवालले नेपालको मिडिया क्षेत्रले राखेपले सदा संगै लिएर जाने प्रतिवद्धता व्यक्त गर्नुभयो ।

सहमति पत्रपछि नेपाल मिडिया सोससाइटीले सिसफारिस गरेका एउटा माध्यमका लागि एउटा खेल मैदानका लागि कम्तीमा दुई जना पत्रकारलाई सहज प्रवेश पास उलव्ध गराउनेछ ।