पर्सा, २९ मंसिर । निर्माण व्यवसायीहरुबीच आपसी मतभेद भएपछि व्यवसायीहरुले नेपाल निर्माण ब्यवसायी संघ पर्साको १६ औं साधारणसभा अलगअलग गरेका छन् ।
निर्माण व्यवसायीको एक समुहले आज वीरगंजमा साधारणसभा गरेको छ । व्यवसायीको एक समूहले तीन दिन पहिला नै साधारणसभा गरिसकेको छ । आजको साधारण सभालाई सम्बोधन गर्दै बीरगंज महानगरपालिकाका मेयर वीजय कुमार सरावगीले निर्माण व्यवसायीहरु लाई मिलेर अघि बढ्न सुझाव दिनुभयो । मेयर सरावगीले अहिले सरकारले नीति नियम कडा बनाएकोले एकजुट भएर अघि बढ्नुको विकल्प नरहेको जिकिर गर्नुभयो ।
उक्त १६ साधारणसभामा बिभिन्न राजनितीक दलका नेताहरुले पनि व्यवसायीहरुलाई मिलेर अघि बढ्न सुझाव दिएका थिए । साधारण सभामा एविसी टेलिभिजन प्रदेश नम्बर २ का ब्युरो प्रमुख शेखर छतकुली लगायतका विभिन्न संचारकर्मीहरुलाई सम्मान गरिएको थियो ।
प्रतिक्रिया दिनुहोस्