काठमाण्डौं, १ मंसिर । उन्नाइस वर्षमुनिको एसिया कप क्रिकेटमा फाइनल भिडन्तका लागि नेपाल र अफगानिस्तानबीच खेल भइरहेको छ ।

खेल मलेसियाको किनरारा ओभल मैदानमा जारी छ । अफगानिस्तानले टस जितेर फिल्डिङ रोजेपछि नेपाल ब्याटिङमा छ । आशिफ शेख शून्यमै मुजिब उर रहमानको बलमा एलबीडब्लू आउट भए । मुजिब उर रहमानकै दोस्रो ओभरमा १५ बलमा १ रन बनाएका जितेन्द्र सिंह आउट भए । २० बलमा ६ रन बनाउँदा दिपेन्द्र सिंह ऐरी मुजिब उर रहमानकै बलमा आउट भए । ७ बलमा ४ रन बनाउँदा रोहित कुमार पौडेल मुजिब उर रहमानकै बलमा आउट भए । भीम सार्की १९ बलमा ६ रन बनाउँदा रन आउट भए । समूह चरणमा पहिलो पटक भारतलाई पराजित गरेको नेपालले अफगानिस्तानलाई हराउन सके अर्को इतिहास रच्नेछ । अफगानिस्तान समूह ‘बी’ को विजेता बनेर सेमिफाइनलमा पुगेको हो । खेलअघि नेपाली टिमका प्रशिक्षक बिनोद दासले निकै राम्रो खेल प्रस्तुत गर्ने बताएका छन् ।