काठमाडौं, १४ माघ । आइतबार प्रतिनिधिसभामा प्रधानमन्त्री केपी शर्मा ओलीले भ्रमण वर्षमा प्राकृतिक धक्काहरु देखिएको बताउँदा देउवाले धक्का मात्र सुन्नु भएछ त्यसैले उहाले ठूलो धक्का आउँछ रे नेपालमा । कहाँबाट आउँदैछ । हामीले पनि थाहा पाउनु पर्‍योे, हामी सहयोग गर्न तयार छौं भन्दै प्रधानमन्त्रीमाथि नै कड्किनु भयो ।

प्रधानमन्त्रीले ले भन्नु भएको कुरा ।

हामी भर्खर नयाँ वर्ष २०२० मा प्रवेश गरेका छौं । यो नयाँ वर्ष २०२० लाई हामीले नेपाल भ्रमण वर्षको रुपमा अगाडि सारेका छौं । यसमा सुरुमै हामीलाई केही धक्काका संकेतहरु प्रकृतिक हिसाबले देखा परेका छन् । जसलाई हामीले सावधानीपूर्वक समाना गर्नुपर्नेछ । सरकार त्यसको तयारीमा लागेको छ ।

देउवाले भन्नु भएको कुरा ।

प्रधानमन्त्रीले धक्काको कुरा गर्नुभएको छ । धक्का आउँदैछ रे । के धक्का हो यो रु कहाँबाट आउँदैछ ? धक्का भन्ने सुनेँ मैले आज । ठूलो धक्का आउँछ रे नेपालमा । कसले धक्का दिने बाला छ, हामीले पनि थाहा पाउनु पर्‍यो । नेपालमा धक्का दिने को छ, थाहा पाउनुपर्‍यो । सहयोग गर्न तयार छौं । कसले धक्का दिनसक्छ ? हामी पनि हेरौं । तर धक्का कसले दिँदैछ प्रधानमन्त्रीले बोल्नु भएको छैन ।

प्रधानमन्त्रीले प्रकृतिक धक्काको कुरा गर्दा विपक्षी दलका नेता देउवाले अरु नै धक्का बुझेछन् क्यार  कसले धक्का दिँदैछ भन्ने थाहा दिनुपर्ने माग गरेका छन् ।