बुटवल, ६ मंसिर
प्रदेश र प्रतिनिधिसभाको निर्वाचनको मिति नजिकिएसगै दलहरुले आफनो चुनावी प्रचारप्रसारलाई तिव्र बनाएका छन् । लोकतान्त्रिक गठबन्धन र बाम गठबन्धनबीच कडा प्रतिष्पधा हुने भनिएको आसन्न निर्वाचनमा आफनो पक्षमा मत पार्नका लागि बाम गठबन्धनले मुलुकका १४ स्थानमा चुनावी सभा गर्ने भएको छ । बाम गठबन्धनले बुधबार बुटवलमा चुनावी सभा गर्दै विकास र स्थिर सरकारका लागि बाम गठबन्धन नै जनताको एक मात्र पार्टी भएको दावी गरेको छ ।
बामपन्थीहरुको चुनावी तालमेललाई स्वागत गर्दै मंसिर २१ गतेलाई कुरेर बसेका रुपन्देहीबासी बुधबार बुटवलमा भएको चुनावी सभामा उत्साह र उमंगका साथ उपस्थिति जनाए । खुल्ला र फराकिलो ठाउ“को रुपमा लिइएको बुटवलको ट्राफिक चोकमा बाम गठबन्धनका हजारौ नेता, कार्यकर्ता सहभागी थिए । सहभागी देख्दा लाग्थ्यो त्यहा“ कुनै मेला लागेको छ।

तर त्यहा मेला लागेको थिएन, त्यहा“ त बाम गठबन्धनको चुनावी सभा मात्र थियो । देशभर निर्वाचनको माहोल तातिरहेका बेला बाम गठबन्धनले आफनो पक्षमा मत पार्नका लागि मुलुकका मुख्य मुख्य शहरमा चुनावी सभा गर्दै आएको छ । मुलुकका १४ स्थानमा चुनावी सभा गर्ने घोषणा गरेको बाम गठबन्धनले बुधबार रुपन्देही जिल्लाको बुटवलमा सभा गरेको हो । सभालाई सम्बोधन गर्दै नेकपा एमालेका अध्यक्ष केपी शर्मा ओलीले देश र जनताको रक्षाका लागि बाम गठबन्धनको स्थायी सरकार बन्नुपर्ने बताए । उनले अबको ५ वर्षसम्म बाम गठबन्धनको सरकार बन्ने र देशले मुहार फेर्ने उल्लेख गरे ।
२०४६ सालको आन्दोलनमा एमाले एक्लै लडेर मुलुकमा लोकतन्त्र ल्याएको दावी गर्दै कागे्रसका सभापति शेरवहादुर देउवा लण्डनको गल्लीमा लुक्न गएको आरोप लगाए । बृद्धबृद्धलाई बृद्धभत्ता दिने नीति ल्याएर बृद्धबृद्धाको सम्मान गर्ने पार्टी नै एमाले भएको दावी गर्दै ६० वर्ष माथिका वृद्धलाई गोली हानेर मार्छ भन्ने भ्रम छरेर का“गे्रसले जनतालाई त्रसित पारेको बताए ।
सभामा भएको उपस्थितिले नेता ओली निकै उत्साहित देखिएका थिए । संयुक्त सभालाई सम्बोधन गर्दै माओवादी केन्द्रका नेता रामबहादुर थापा बादलले आसन्न निर्वाचन सामान्य नभई भविष्य निर्धारण गर्ने निर्वाचन भएकाले बाम गठबन्धनको सरकार आवश्यक रहेको बताए ।
उनले राजतन्त्र अन्त्य गर्दै गणतन्त्र स्थापना गर्ने बामपन्थी नै भएको दावी गर्दै समाजवादी गणतन्त्र स्थापनाका लागि बाम गठबन्धनको विकल्प नभएको उल्लेख गरे । बामपन्थी एकतालाई रोक्ने दुष्प्रयास भइरहेको भन्दै थापालले समाजवादको अपरिहार्यताका लागि बाम एकता आवश्यक रहेको र एकतालाई कसैले रोक्न नसक्ने जिकिर गरे ।
उनले अहिलेसम्म गैरबामपन्थीहरुले शासन चलाएकाले नेपालको विकास नभएको भन्दै विकास र आर्थिक समृद्धिका लागि बामपन्थीहरुको सरकार बन्नुपर्ने उल्लेख गरे । बुटवल यसै पनि वामपन्थीहरुको बर्चश्व रहेको स्थानकारुपमा लिने गरिएको छ । बिगत दोस्रो संविधानसभामा होस् वा स्थानीयतहको निर्वाचनमा बुटवल र यस आसपासका स्थानीयतहमा वामपन्थीहरुको सफलता नै देखिएको छ । बुधबार बुटवलमा देखिएको जनउपस्थितिले पनि आसन्न निर्वाचनमा वामगठबन्धनले सजिलै बिजयी हासिल गर्ने अनुमान गर्न सकिन्छ ।