सिरहा, २३ माघ । नेपाल कम्यूनिष्ट पार्टी (नेकपा)का अध्यक्ष तथा पूर्व प्रधानमन्त्री पुष्पकमल दाहाल प्रचण्डले मधेश संगको प्रेम टुट्न नदिने बताउनु भएको छ ।

सिरहाको सखुवानन्कारकट्टीमा आजबाट झण्डा मेलाको उद्घाटन गर्दै अध्यक्ष प्रचण्डले उक्त कुरा बताउनु भएको हो ।
उहाले तराईका सवै जनताको माया पारेर देशको नेतृत्व समेत गरेको उहाले बताउनुभयो । उहाले प्रदेश २ मा सिंचाईको प्रमुख समस्या रहेको भन्दै कोशी–कमला डाइभर्सन निर्माणको काम चाँडै अगाडी बढ्ने समेत बताउनुभयो । उहाले हुलाकी सडक समेत तिब्र गतिमा निर्माण भइरहेको र निर्माण पुरा भएपछि यस क्षेत्रमा नयाँ खुशीयाली आउने समेत बताउनुभयो । अध्यक्ष प्रचण्डले संविधान संशोधन गर्नमा पार्टी सकारात्मक रहेको दावी गर्नुभयो । उहाले भन्नुभयो , ‘आवश्यकता बमोजिम संविधान परिमार्जन गर्दै लैजाने संविधानले नै व्यवस्था गरेको छ । त्यसैले आवश्यकता बमोजिम परिमार्जन हुन्छ भन्ने विश्वास दिलाउन चाहन्छु ।’

हाम्रो पार्टी र सरकारले तराई–मधेस विकास र समृद्धिमा जोड दिएको छ, ’ उहाले भन्नुभयो, ‘तराई–मधेस बिनाको पहाड रपहाड बिनाको तराई मधेसको कल्पना गर्न सकिन्न । इतिहासदेखि नै काठमाडौं र तराई–मधेसका संस्कृति र सम्पदा अभिन्न रुपले गाँसिएका छन् ।’ उहाँले तराई–मधेस, पहाड, हिमाललाई जोडेर समृद्धिको यात्रा तिर देशलाई लिएर जाने र आफ्नो बाँकी जीवन यी क्षेत्रका जनताको समृद्धि, समाजवादको निर्माण र सामाजिक न्यायको निम्ति बिताउने सङ्कल्प गरिसकेको बताउनु भयो ।

मेलाको उद्घाटन समारोहमा नेकपाका केन्द्रिय सदस्य (मातृका प्रसाद यादब, नेकपाका केन्द्रिय सदस्य )अजय शंकर नायक ,नेकपा जिल्ला अध्यक्ष तथा प्रदेश सांसद राम कुमार यादव, सखुवानन्कारकट्टी गा।पा।प्रमुख केदार यादव लगायतले शुभकामना मन्तव्य राखेका थिए । मेला १० दिनसम्म चल्नेछ ।