काठमाडौं, २३ माघ । संचार तथा सूचना प्रविधिमन्त्री गोकुल बास्कोटाले व्यवसायी बिनोद चौधरीले प्रक्रिया पुर्‍याएर २० अर्ब रुपैयाँ तिरे जिएसएम मोबाइलको लाइसेन्स लिन सक्ने बताउनुभएको छ ।

सरकारका प्रवक्ता समेत रेहका मन्त्री बाँस्कोटाले विहीबार मन्त्रपरिषद्को निर्णय सुनाउन आयोजित कार्यक्रममा संचारकर्मीको प्रश्नमा उहाले नियम अनुसार २० अर्ब तिरेपछि सिजी कम्युनिकेशनले लाइसेन्स पाउने बताउनुभयो ।

‘अरु कम्पनीले २० अर्ब रुपैयाँ तिरेर गरेको व्यवसाय २५ लाख रुपैयाँ तिरेर मात्र गर्न पाइँदैन, नियम अनुसार काम गरे लाइसेन्स पाइन्छ,’ बास्कोटाले भन्नुभयो । बाँस्कोटाले सरकारले सिजीलाई ग्रामिण क्षेत्रमा टेलिकम चलाउन १०–११ करोड रुपैयाँ दिएको भन्दै २५ लाखमा युनिफाइड टेलिकमको लाइसेन्स नपाइने प्रष्टयाएका थिए ।

‘कर र रोयल्टी नतिर्ने अनि लाइसेन्स पाएन भनेर हुन्छ,ठूलो घरानाको भन्दैमा प्रक्रिया मिचेर लाइसेन्स दिने कुरा हुँदैन,’ मन्त्री बाँस्कोटाले भन्नुभयो ।