काठमाडौ, ७ मंसिर ।
नेकपा माओवादी केन्द्रका अध्यक्ष प्रचण्डले पुत्र प्रकाश प्रति श्रद्धाञ्जल िब्यक्त गर्दै प्रचण्ड परिवारलाई समवेदना प्रकट गर्ने सबैलाई धन्यबाद दिनुभएको छ ।
गत ३ गते आकस्मीक हृदयघातका कारण मृत्यु भएका प्रकाशको सम्झनामा बिहीबार प्रचण्ड निवासमा राखिएको श्रद्धाञ्जली सभामा प्रचण्डले प्रकाश प्रति श्रद्धा१जली ब्यक्त गर्ने सबै तह त तप्काका समुदायलाई परिवारको तर्फबाट धन्यबाद ज्ञापन गर्नुभएको छ ।लिखीत शोक बक्तब्य वाचन गर्नुभएका प्रचण्डले ‘प्रकाश अब छैनन् । तर, देशका हरेक युवा युवतीमा हामीले प्रकाश देखेका छौं । यो देशका सबै युवायुवती हाम्रा छोरा प्रकाश हुन् र तिनको समुन्नत भविश्यका लागि अझ धेरै महनत गर्नुपर्छ भन्नेमा निष्कर्षमा अझ दृढ भएका छौं ।’ भन्नु भएको छ ।
प्रचण्ड पूर्णकालीन राजनीतिमा लाग्दा प्रकाश सानै थिए । प्रचण्डले वक्तब्यमा लेख्नुहुन्छ ‘अहिले सम्झँदा यस्तो लाग्छ, उनी आफ्नो जीवनमा कहिल्यै किशोर हुन पाएनन् । बालकबाट सिधै युवा भए । सक्रिय राजनीतिक जीवनका कारण लालनपालनमा मैले बुबाको रुपमा उनीमाथि न्याय गर्न सकिन ।’ उहांले वक्तब्यमा केहीले प्रकाशलाई आफ्नो छोरा मात्र ठानेकोमो गुनासो पोख्दै प्रकाश प्रविधि, संगठन र व्यवस्थापनमा पोख्त रहेको र आफ्ना लागि छोरा भन्दा बढी सहकर्मी र

सहयोद्धा रहेको उनले उल्लेख गर्नुभएको छ । प्रचण्डले वक्तब्यमा लेख्नुभएको छ, ‘इमान्दारीतापूर्वक भन्छु, प्रधानमन्त्रीका रुपमा मेरो दोस्रो कार्यकाल उनको सहयोगविना सफल हुने थिएन ।’

शीर्ष नेताहरु तथा कूटनीतिक नियोगका प्रतिनिधि समेत उपस्थित श्रद्धान्जली सभामा बाचन गरेर सुनाइएको प्रचण्डको वक्तव्यको पूर्णपाठ जस्ताको तस्तै ।