काठमाडौं, ४ फागुन । प्रधानमन्त्री केपी शर्मा ओली गृह जिल्ला झापा पुग्नु भएको छ ।

गृहनगर दमकमा बनेका विभिन्न संरचनाका उद्घाटन र बनाइने संरचनाको शिलान्यास कार्यक्रमका लागि उहाँ झापा जानु भएको हो । यती एयरलाइन्सको नियमित उडानबाट उहा गृह जिल्ला पुग्नु भएको हो । दमक नगरपालिका कार्यालयका अनुसार फागुन ४ गते ओलीले दमक ४ मा रहेको कृष्णमन्दिर चोकमा सडक उद्घाटन गर्ने कार्यक्रम रहेको छ । यस्तै दमक र मोरङको मिक्लाजुङ गाउँपालिकाको सीमामा पर्ने रतुवा खोलामा निर्मित पक्की पुलको उद्घाटन र बेलडाँगीस्थित जिरो प्वाईन्टमा रवि चिसापानी सडक शिलान्यास गर्ने कार्यक्रम छ । प्रधानमन्त्री ओलीले बेलडाँगीस्थित खेलमैदानमा आयोजना हुने कार्यक्रमलाई सम्बोधन गर्नुहुने छ ।

प्रधानमन्त्रीले दमक नगरपालिका वडा नम्बर १ मा निर्मित विपन्न नमूना बस्तिको उद्घघाटन कार्यक्रम समेत तय भएको छ । प्रधानमन्त्री ओली आजै नै काठमाडौँ फर्कने कार्यक्रम छ ।