काठमाडौं, ५ फागुन । बलात्कार मुद्दामा सफाइ पाएपछि पूर्वसभामुख कृष्णबहादुर महरा डिल्लीबजारस्थित कारागारबाट थुनामुक्त हुनुभएको छ ।

सोमबार काठमाडौं जिल्ला अदालतले महरालाई बलात्कार मुद्दामा सफाइ दिएलगत्तै उहाँ थुनामुक्त भएका हुनुभएको हो । गत असोज १२ गते राति संसद सचिवालयकी एक कर्मचारीलाई बलात्कार प्रयास गरेको र कुटपिट गरेको उजुरी परेपछि प्रहरीले असोज १९ गते महरालाई निवासबाट पक्राउ गरेको थियो। त्यसबेला महरा प्रहरीको गाडीमा चढ्न मान्नु भएको थिएन ।

उहा बा १८ च ४०० नम्बरको निजी रातो कार चढेर प्रहरीकोमा गएका जानु भएको थियो । त्यसबेला महानगरीय अपराध महाशाखा र काठमाडौं प्रहरी परिसरको संयुक्त टोलीले महरालाई निवासबाटै पक्राउ गरेको थियो। तीन महिना १७ दिन डिल्लीबजार कारागारमा पुर्पक्षका लागि थुनामा रहेका महरा सोमबार अपरान्ह थुनामुक्त हुँदा पनि सोही रातो कार चढेर निवास फर्र्केनु भएको हो । महरा खुमलटारस्थित निवास जानुभएको छ ।