बुटवल, ८ फागुन ।
प्रदेश ५ सरकारका मुख्यमन्त्री शंकर पोखरेलले महिलाहरुबाट भन्दा बढी पुरुषहरुबाट लैंगिक हिंसा हुने गरेको बताउनु भएको छ ।
बुटवल उप महानगरपालिकालाई लैंगिक हिंसा मुक्त उपमहानगरको रणनितिक कार्य योजना सार्वजानीक गर्न आयोजित कार्यक्रममा बोल्दै मुख्यमन्त्री पोखरेलले मुलुक भरीमा प्रदेश नम्बर ५ लैंगिक हिंसामा अगाडी रहेको प्रति चिन्ता ब्यक्त गर्नुभयोे । उहांले प्रदेश नम्बर ५ मानवअधिकारका दृष्टिकोणबाट पनि बढी मानवअधिकार उल्लंघन हुने प्रदेशकारुपमा चित्रीत भएको बताउंदै त्यसलाई न्युनिकरण गर्दै शुन्यमा झार्नुपर्ने बताउनु भयो ।
अन्धबिश्वास र कुरितीका कारण लंगिक हिंसाका घटनाहरु हुने उल्लेख गर्दै मुख्यमन्त्री पोखरेलले घरघरबाट कुरिती र कु संस्कारहरु छाड्ने हो भने धरै हिंसा कम हुने धारणा राख्नु भयो ।
कार्यक्रममा बुटवल उपमहानगर पालिकाका प्रमुख शिवराज सुबेदीले उपमहानगरमा क्रियाशिल संघ संस्था, जन प्रतिनिधि, कर्मचारी तथा कार्यक्रममा उपस्थित आमन्त्रीतहरुलाई लैगिक हिंसा नगर्ने र हुन नदिने प्रतिबद्धता सहितको सपथ खुवाउनु भएको थियो । कार्यक्रम स्थलमा राखिएको प्रतिबद्धता पत्रमा मुख्यमन्त्री पोखरेल सहित सहभागिहरुले हस्ताक्षर गरेर लैंगिक हिंसा नगर्ने र हुन नदिने प्रतिबद्धता ब्यक्त गरेका थिए ।
बुटवल उपमहानगरले सार्वजानीक गरेको रिपोर्टका अनुसार बुटवलमा मात्र एक आर्थिक वर्षमा १ सय २९ लैगिक हिंसाका घटनाहरु दर्ता भएका छन् ।