काठमाडौं,११ मंसिर। सगरमाथामा आरोहण गरेर किर्तीमानी कमाउने होड चलिरहेका बेला महिला पत्रकारहरुले पनि थप किर्तिमानी कायम गर्ने घोषणा गरेकाछन् ।
यस अघिनै सर्वोच्च शिखर सगरमाथाको सफल आरोहण गरेका किर्तिमानी आरोही फुर्वा तेन्जिङ शेर्पाको नेत्तृत्वमा ‘ समानताका लागि बुलन्द आवाज’ भन्ने नाराका साथ आगामी वर्ष २०१८ मा ५ महिला पत्रकारले सगरमाथा आरोहण गर्न लागेकाछन् । सगरमाथा आरोहण गर्ने तयारीमा रहेका पाँच नेपाली महिला पत्रकार रोशा बस्नेत, प्रियालक्ष्मी कार्की, रोजिता बुद्धाचार्य, कल्पना महर्जन, देउराली चाम्लिङ रहेका छन् । उनीहरुसंग पहिलो महिला तामाङ आरोही कान्छीमाया तामाङ र पासाङ ल्याहमु शेर्पा पनि आरोहणमा सहभागी हुने आरोहीदलकी सदस्य दाबुटी शेर्पाले जानकारी दिईन् ।
सबैभन्दा छिटो आरोहण गर्ने, सानो उमेरमा आरोहण गर्ने, बढी उमेरमा आरोहण गर्ने, बिना अक्सिजन आरोहण गर्दै रेकर्ड कायम गरिएकाबेला महिला पत्रकारहरुले नयां रेकर्ड कायम गर्न लागेको शेपौले बताईन् ।
आरोहण संगै क्याम्प १, २, ३ र ४ मा पनि सगरमाथा आरोहणमा सहभागि पर्यटकलाई कफि खुवाउने लक्ष्य रहेको कफी प्रबद्र्धक दाबुटी बताएकी छिन् । सगरमाथा आरोहण तयारीको लागि केहि दिनमा नै दोलखाको रोल्वालिङ्ग क्षेत्रमा पर्ने ५९२० उचाई रहेको राम्दुङ्ग पिक र ६०९१ उचाई रहेको ऐलुंग पिकबाट आराहण सुरु गरिने दलका अर्का सदस्य फुर्वा तेन्जिङ शेर्पाले बताए । आरोहणसंगै नेपाली कफीको प्रमोसन गरिले आरोहणदलका सदस्यहरुले बताएकाछन् ।