गुल्मी, ८ बैशाख । गुल्मीको चन्द्रकोट गांउपालिका वार्ड नम्बर ४ ,शान्तिपुर बजारमा आगलागि हुंदा १ जनाको ज्यान गएको छ भने २ जना घाईते भएका छन् ।
शान्तिपुर बजारको बसपार्क नजिकै रहेको पुर्णबहादुर खनालको पसलमा आगलागि हुंदा खनालका १६ बर्षिय छोरा समिर खनालको मृत्यु भएको छ भने पसल संचालक खनाल र उनका पत्नी रुपा खनाल गम्भीर घाईते भएकाछन् ।
आज मध्यान्ह अन्दाजी १ बजे लागेको आगो स्थानीयबासी र प्रहरीले केहिबेर अगाडी नियन्त्रण गरेका थिए । आगलागिबाट पसलमा भएका सबै मालसामान नष्ट भएका छन् । क्षेतीको बिवरण भने प्रहरीले अनुसन्धान पछि थाहाहुने बताईएको छ । खनाल स्टोर्स नामबाट संचालनमा रहेको पसलमा पेट्रोल र ग्यांस समेत रहेकाले नियन्त्रण गर्न समय लागेको र क्षेती बढी भएको स्थानीय नबिन कसजुले बताउनु भयो ।
घाईते दम्पत्तीलाई थप उपचारका लागि पाल्पा रिफर गरिएको छ । आगो निभाउने र पसलमा रहेको महत्वपुर्ण समान निमाल्ने क्रममा संचालकका छोरा समिरको मृत्यु भएको कसजुले बताउनु भयो । अहिले आगो पुर्णरुपमा नियन्त्रणमा आएको छ ।