काठमाडौँ , २८ बैशाख । पूर्व राष्ट्रपति बाराक ओबामाले आफ्नो प्रशासनका पूर्व सदस्यहरूसँग कुरा गर्दै राष्ट्रपति डोनाल्ड ट्रम्पले कोरोना भाइरस महामारी नियन्त्रणका लागि गरेको प्रयास अपर्याप्त र अराजकता फैलाउने खालको काम मात्र भएको भन्दै कडा आलोचना गरेका छन् ।

डोनाल्ड ट्रम्प प्रशासनले अपनाएको रणनीतिका कारण कोरोना भाइरसको महामारी थप भयानक बनेको ओबामाले बताएका छन् ।
यसै क्रममा ट्रम्पले ओबामा प्रशासनको आलोचना पनि गरे। ओबामाको सबै तर्क गलत भएको टिप्पणी गर्दै उनको कार्यकालको उधिल्लो बर्ष कोरोना भाइरस कहिँ पनि नभएका बताए ।वास्तवमा, रोग नियन्त्रण र रोकथाम केन्द्रहरूले जनवरी देखि नै आफ्नै परीक्षण विकास गर्न संघर्ष गरीरहेको बताएका छन् ।

उता ओबामाले भने यो माहामारी फैलनबाट रोक्न ट्रम्पल निकै कमजो जस्तो रहेको भनी बताएका छन्। आउँदो नोभेम्बरमा हुने राष्ट्रपति चुनावमा,जो बाइडेनको पक्षमा आफूले पनि केहि भूमिका निर्वाह गर्न चाहेको पूर्व राष्ट्रपति ओबामाले बताएका छन् ।

ओबामाले आफ्नो समर्थन बाइडेनलाई रहेको घोषणा पहिलेनै गरिसकेका छन् । बाइडन भने ओबामा कार्यकालमा उपराष्ट्रपति रहेका थिए । साथै ओबामाले आफ्ना पूर्व कर्मचारीहरुलाई बाइडेनको चुनावी अभियानमा काम गर्न आग्रह गरेका छन् । कोरोना भाइरसको महामारीबाट सबैभन्दा बढी प्रभावित अमेरिका रहेको छ । कुल संक्रमितको संख्या १३ लाख ९ हजार भन्दा धेरै भएको र कोभिड–१९ बाट अमेकिरामा ७८ हजार ८ सय भन्दा बढीको ज्यान गएको छ ।