काठमाडौं, १२ जेठ । काठमाडौंको टोखा नगरपालिकामा किराना पसलेमा कोरोना संक्रमण पुष्टि भएको छ। ४१ वर्षीय पुरुषले महिना दिनअघि मात्र किराना पसल किनेर व्यापार थालेका थिए। टोखा नगरपालिकाले कोरोना परीक्षणको दायरा बढाउने क्रममा किराना पसले र मेडिकल सञ्चालकको कोरोना परीक्षण गरेको थियो।
टोखा नगरपालिका– ३ का अध्यक्ष महेश्वर केसीले किराना पसलेमा संक्रमण देखिएको पुष्टि गर्नुभयो । उक्त व्यक्तिको र्यापिड टेस्ट पनि पोजेटिभ आएको थियो। र्यापिडमा पोजेटिभ देखिएपछि उनी घरमै होम क्वारेन्टिनमा बसेका थिए। टोखाकै वडा नं ६ मा पनि संक्रमण भेटिएको छ। संक्रमित व्यक्ति धुलिखेलमा मृत्यु भएकी सुत्केरी महिलाको सम्पर्कमा आएको व्यक्ति भएको वडा अध्यक्ष सिंहराज श्रेष्ठले जानकारी दिनुभयो ।
प्रतिक्रिया दिनुहोस्