काठमाडौं, १२ जेठ । कालापानी र लिपुलेक क्षेत्रमा नेपाली भूमि अतिक्रमण गरेर भारतले सडक बनाएपछि नेपालमा तीब्र आक्रोश छ । ती क्षेत्रलाई समेटेर नेपालले नयाँ नक्सा जारी गरेपछि भारतीय सञ्चार माध्यममा पनि यो विषयले प्राथमिकता पाएको छ । भारतको रिपब्लिक टीभीका अर्नव ग्वोस्वामीले ‘द डिबेट’ कार्यक्रममा नेपाललाई होच्याउने शब्दको प्रयोग गरेर पाठ सिकाउन खोजेको भन्दै नेपालमा आलोचना भइरहेको छ ।
यो प्रकरण चर्चामा आएपछि भारतीय सञ्चारमाध्यमविरुद्ध पनि सर्वसाधारण खनिएका छन् । सीमित रुपमै रहेका नेपाली ह्याकरहरुले पनि भारतीय पक्षमाथि आक्रमण गर्न थालेका छन् । नेपाली ह्याकर सतनले भारतीय न्यूज च्यानल एबीपी न्यूजको ‘एपीआई की’ सार्वजनिक गरिदिएका छन् ।

एप्लिकेशन प्रोग्रामिङ इन्टरफेस (एपीआई) की यस्तो कोड हो, जसको प्रयोगबाट सम्बन्धित पक्षको प्रणालीसम्म पहुँच बनाउन सकिन्छ । एक एप्लिकेशन वा सिस्टमबाट अर्कोमा ‘संवाद’ गर्नलाई यो कोडको प्रयोग हुन्छ । जस्तै, नेपाली ह्याकरले सार्वजनिक गरेको एपीआई कोडमार्फत उसले फेसबुक लाइभ गरिदिन सक्छ । यद्यपि, यो कोडको प्रकृतिमा भर पर्ने कुरा हो ।

नेपाली ह्याकहरुको समुहद्धारा भारतीय सात करोड आधार कार्डको ह्याक गरेका छन् । नेपाली ह्याकर समुहका अनुसार भारतिय ह्याकरहरुले यस अघि नेपालका सरकारी केहि साइटहरु ह्याक गरेको र सो को बदलामा आफुहरुले भारतिय नागरिकहरुको विवरण आधार कार्ड ह्याक गरेको जनाएको छ ।

ह्याकर समुह सतनले जनाए अनुसार २ जिबी बराबरको डाटा आधारकार्ड ह्याक गरेको जनाएको छ । उनिहरुले सार्बजनिक गरेका फाईलहरु मध्य २ हजार १ सय ४५ जनाको व्यक्तिगत विवरण सहित आधारकार्डको बृस्ति विवरण रहेको छ ।

नेपाली ह्याकर समुहले यस किसिमको कार्य सर्बप्रथम भारतको तर्फबाट सुरु भएको र जसको प्रतिउत्तर स्वरुपमात्र आफुहरुले यस किसिमको काम गरेको भनेका छन् । यस किसिमको कार्यले दुवै देशको हित नहुने भएकोले नेपाली ह्याकर समुहले यस किसिमको कार्य कहिल्यै पनि नचाहेको र यसकिसिमको कार्य गर्नको लागि भारतिय ह्याकरमा निर्भार रहने पनि चेतावनि दिईएको छ । पुन यस किसिमको घटना दोहोर्याएको खण्डमा आफुहरु चुप नरहने पनि चेतावनि नेपालि ह्याकरहरुको रहेको छ ।

चेतावनि दिने क्रममा थप एक गलत चाल, र तपाईँ सिंहको मुस्कुराएको अनुहारको परिणाम थाहा छ । सुरक्षित रहनुहोस् र अरुलाई आक्रमण गर्नुहोस भनिको छ ।

भारतको युनिफाईड राष्ट्रिय परिचय पत्रलाई आधार कार्ड भनिन्छ । भारतिय नागरिकको लागि यस पहिचान कार्डमार्फत पूर्ण व्यक्तिगत जानकारी प्रदान गर्दछ ।