काठमाडौं, २२ जेठ ।  जिल्लामा कोरोना भाइरसबाट संक्रमित हुने संख्या ४ सय १४ पुगेको छ । बिहीबार बिहान १२ जनामा संक्रमण पुष्टि भएसँगै ४ सय १४ पुगेको हो ।
बिहीबार वाणगंगा नगरपालिकामा ४ पुरुष र २ महिलामा संक्रमण देखिएको छ । त्यस्तै यशोधरा गाउँपालिकाका ६ पुरुषमा संक्रमण देखिएको छ । योसँगै मुलुकमा सबैभन्दा बढी संक्रमित रहेको जिल्ला कपिलवस्तु भएको छ ।

पहिलो संक्रमण देखिएको २७ दिनमा ४ सय बढी कोरोना भाइरस संंक्रमणका बिरामी थपिएका छन् । कपिलवस्तुमा पहिलो पटक वैशाख २५ गते २ जनामा कोरोना संक्रमण देखिएको थियो । संक्रमित १४ जना बाहेक सबै जना भारतबाट आएका र क्वारेन्टाइनमा बसेका व्यक्ति रहेको स्वास्थ्य कार्यालयका प्रमुख योगेन्द्र भगतले जानकारी दिनुभयो ।

५ सय बेडको आइसोलसन सेन्टर रहेको जिल्लामा बढाएर हजार बेड बनाउने तयारी भईरहेको छ । जिल्लामा ५ हजार ३ सय २४ जनाको स्वाब संकलन गरिएकोमा अझै ९ सय बढीको रिपोर्ट आउन बाँकी छ । जिल्लामा अझै ४ हजार क्वारेन्टाइनमा रहेका छन् । संक्रमितमध्ये ३२ जना निको भइ घर फर्केका छन ।