पर्सा  ८ असार । विश्व कोरोना भाइरसको महामारीका कारण घरभित्र बसिरहेको अवस्था पर्सामा भने बन जङ्गलको खोलाहरुबाट नियम विपरीत गिट्टी९बालुवा उत्खनन् कार्य जारी रहेको छ । पर्साका जमुनिया खोला, भेडाहा, कर्जनिया र सिंघाही नदी र पटेर्वासुगौली, पर्सागढी, सखुवा प्रसौनि लगाएतका स्थानियतहरुको सहयोगमा खोलाजन्य पदार्थको उत्खनन् जारी छ । जेठ मसान्तमा नै गिट्टी, बालुवा, ढुंगा निकाल्ने अन्तिम म्याद रहे तापनि ठेकेदार कम्पनी तथा स्थानीय राजनीतिक दल, तथा वनकर्मीको मिलेमतोमा बालुवा निकाल्ने काम जारी रहेको हो।

स्थानीय प्रशासनलाई थाहा भए पनि नक्कली कागजातको आधारमा बालुवा निकाल्ने काम भइरहेको देखिन्छ। प्रदेश सरकारले लकडाउनका कारण केही समय बढाएर असार २१ गतेसम्म गिट्टी, बालुवा निकाल्ने अनुमति दिएको पत्र देखाउँदै गिट्टी, बालुवा निकाल्ने काम भइरहेको देखिन्छ।

केहिवदिन पहिला अवैधरुपले उत्खनन गरि ट्रक , टिपर , ट्याक्टरमा गिट्टी , बालुवा लोडगरि ल्याउने थालेपछि पर्साका ग्रामीण भेगका स्थानीयले विरोध गरेपछि यस विषयमा अनुगमन समितिका संयोजक तथा जिल्ला समन्वय समिति पर्साका प्रमुख नेक महम्मद अन्सारीले आफूले खोला उत्खनन् को आफैले अनुगमन गर्नु भएको थियो । अंसारीले अनुगमन गरेपनि अहिले गाऊपालिका र बनबिभागको मिलोमतोमा व्यापक रुपमा खोलाबाट अवैध रुपले गिट्टी र बालुवाको ढुवानि भईरहेकोले अहिले असारे बजेटको कार्यमा बिकासको नाऊमा बालुवा पानी हाल्ने स्रोह स्थानीयले बताएका छन्।

जिल्ला समन्वय समितिको संयोजक अंसारीको अनुसार प्रदेश सरकारले पठाएको पत्र जिल्ला समन्वय समितिमा नपुगी सिधै ठेकेदारको हातमा पुगेको छ। ठेकेदारहरु सो पत्रको आधारमा बुधवार महानगरपालिका कार्यालयमा पुगेको र सो कार्यालयले भेडाहा खोलाबाट उत्खनन् गर्ने आदेशसमेत दिएको जानकारी प्राप्त भएको छ।

महानगरपालिका राजस्व फाँटका इन्चार्ज रामदयाल यादवले पत्र लिएर आफू कहाँ आएको बताए। सो विषयमा ठेकेदारले प्रमुख कार्यकारी अधिकृतसँग भेटेर उत्खननको लागि पत्र लिएर गएको आफूलाई जानकारी भएको बताए।

पर्सा जिल्ला बाट नियम मिचेर जङ्गल वाट विभिन्न खोलावाट अवैध उत्खनन गरि टिपर, ट्याक्टरमा लोड गरि ल्याईको गर्दे ग्रामीण भेगका बाटो हिड्नु समेत गार्‍हो रहेको स्थानियले बताउछन्।