काठमाडौं, १९ असार । सत्तारुढ दल नेपाल कम्युनिस्ट पार्टी(नेकपा) भित्र चुलिएको विवादको समाधान निकाल्न नेताहरुले प्रयास गरिरहेका छन्।
बिहीबार छलफल गरेका नेताहरुबीच शुक्रबार पनि छलफलले निरन्तरता पाउने भएको छ। प्रधानमन्त्री केपी शर्मा ओली र पार्टी अध्यक्ष पुष्पकमल दाहाल ‘प्रचण्ड’बीच भेटवार्ता हुँदै छ । दुई अध्यक्षबीच भेट हुने सम्भावना रहेको अध्यक्ष प्रचण्डका प्रेस संयोजक विष्णुप्रसाद सापकोटाले जानकारी दिनुभयो ।
शुक्रबार नै दोस्रो तहका नेताहरुबीच पनि बैठक हुने भएको छ। स्थायी कमिटी बैठकमा विवादले चरम रुप लिएपछि सहमति खोज्न एक दिनका लागि बैठक स्थगित गरिएको थियो। स्थायी कमिटी सदस्य देवेन्द्र पौडेलले नेकपालाई फुटवाट जोगाउन दिनभर प्रयत्न रहने बताउनुभयो ।
प्रतिक्रिया दिनुहोस्