काठमाडौं, १८ मंसिर । घरदैलो कार्यक्रममा विस्फोट हुँदा काठमाडौं ४ बाट प्रतिनिधिसभाका कांग्रेस उम्मेदवार गगन थापासहित ११ जना घाइते भएका छन् । घाइतेमध्ये चारजनाको अवस्था गम्भीर छ ।
बुढानीलकण्ठको चपली हाइट नजिकै बस्तीमा आज बिहान भइरहेको घरदैलो कार्यक्रममा विस्फोट भएको महानगरीय प्रहरी आयुक्त एआइजी जयबहादुर चन्दले बताए ।
घाइतेहरुको त्रिवि शिक्षण अस्पतालमा उपचार भइरहेको छ। घटनाबारे प्रहरीले अनुसन्धान गरिरहेको जनाएको छ ।
उम्मेदवार थापाको कान र ढाडमा चोट लागेको अस्पतालले जनाएको छ ।
गम्भीर घाइतेहरुमा जयराम लामिछाने, राजकाजी श्रेष्ठ, रेनु बरुवाल, श्यामकृष्ण श्रेष्ठ छन् । त्यसैगरी, ध्रुव खड्का, पूर्णबहादुर श्रेष्ठ, सुमन खड्का, रविन्द्र कार्की, काशीलाल श्रेष्ठ, पर्शुराम थापा सामान्य घाइते रहेको अस्पतालले जनाएको छ ।
प्रतिक्रिया दिनुहोस्