काठमाडौ, २९ असार । सोमबार थप १ सय ४४ जना नया कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले पछिल्लो २४ घण्टामा देशभरका २५ वटा प्रयोगशालामा गरिएको पिसिआर परीक्षणका क्रममा थप १ सय ४४ जना नयाँ कोरोनाका विरामी फेला परेको बताउनु भयो ।
यो सगै नेपालमा कोरोना संक्रमितको संख्या अहिलेसम्म संक्रमित संख्या १६ हजार ९ सय ४५ पुगेको छ। २४ घण्टामा पाँच हजार आठ सय ५६ जनाको पिसिआर गरिएको छ। सोमबारसम्म क्वारेन्टिनमा २३ हजार चार सय ७० जना छन् भने आइसोलेसनमा छ हजार छ सय १३ जना रहेको स्वास्थ्य मन्त्रालयले जानकारी दिएको छ।
सोमबार कोरोना निको भएर एक हजार सात सय ५ जना घर फर्किएका छन्। अहिलेसम्म कोरोना निको भएर दश हजार २ सय ९४ जना घर फर्किसकेका छन् जुन संख्या संक्रमित संख्याको ६०.७ प्रतिशत हो।
प्रतिक्रिया दिनुहोस्