काठमाडौं, १८ असोज ।  लठ्ठिने औषधी खुवाएर १६ वर्षीया किशोरीमाथि सामुहिक बलात्कार गरेको आरोपमा दुई जना पक्राउ परेका छन्। महानगरीय प्रहरी वृत्त जगातीले शनिबार राति ११ बजे भक्तपुर नगरपालिका–८ बाट दुई जनालाई पक्राउ गरेको हो। पक्राउ पर्नेमा सिन्धुपालचोक चौतारा साँगाचोकगढी गाँउपालिका–१०का २२ वर्षीय निरकुमार खड्का र जुगल गाँउपालिका–४ का २१ वर्षीय सुरेश श्रेष्ठ रहेको प्रहरीले जनाएको छ । प्रहरीले दुई जनालाई पक्राउ गरि थप अनुसन्धान गरेको छ ।  उनीहरूले बा ३ ख २६१२ नम्बरको मिनीबसमा लगेर बलात्कार गरेका थिए। उनीहरूले ती किशोरीलाई १६ र १७ गते पटक–पटक बलात्कार गरेको भक्तपुर प्रहरी परिसरका प्रवक्ता निरीक्षक सुवास बुढाथोकीले जानकारी दिनुभयो । ती किशोरीका परिवार अहिलेसम्म सम्पर्कमा आएका छैनन्। सिन्धुपाल्चोक घर भएकी ती किशोरी अहिले वृत्त जगातीको संरक्षणमा रहेकिछिन् । उनीहरूबीच चिनजान नभएको र भेट हुँदा लठ्ठिने औषधी खुवाएर बसमा बलात्कार गरेको किशोरीको आरोप रहेको प्रहरीले जनाएको छ ।