रौतहट, २५ असोज । चाडपर्व नजिकिएसंगै रौतहटको बजार अनुगमन हुन थालेको छ । जिल्लाको चन्द्रपुर नगरपालिकाले बजार अनुगमन गर्न थालेको हो । चाडबाडका बेलामा उपभोक्ता म्याद गुज्रिएको समाग्रि किननु पर्ने र चर्को मूल्य तिर्न बाध्य हुने गरेको उपभोक्ताहरुले गुनासो गरेपछि नगरपालिकाले बजार अनुगमन गर्न थालेका छन् ।

आईतबार चन्द्रपुर नगरपलिकाकी उप–मेयर रामरती चौधरी, मिश्रीलाल साह, उपभोक्ता हित संरक्षण मञ्चका जिल्ला अध्यक्ष टिका घिमिरे, खाद्य तथा गुण नियन्त्रण डिभिजन कार्यालय मलंगवा, सर्लाहीका प्रमुख जगत प्रकाश चौधरी, दिल बहादुर चौधरी, चन्द्रपुर उद्योग वाणिज्य संघका महासचिव सुनिल कुमा साह, इलाका प्रहरी कार्यालय चन्द्रनिगाहपुरका प्रतिनिधि र इलाका प्रशासन कार्यालय चन्द्रपुरका प्रतिनिधिहरुद्धारा बजार अनुगमन गरिएको छ ।

बजार अनुमन गर्ने क्रममा म्याद गुज्रिएको जिरा, ज्वाईनो, पचफोरना, सेवई, सोप, धुलो खुर्सानि चिजवल, जस्ता समाग्रि फेला परेको खाद्य तथा गुण नियन्त्रण कार्यालय डिभिजन कार्यालय मलंगवा, सर्लाहीका प्रमुख जगत प्रकाश चौधरीले जनकारी दिनुभयो ।

म्याद गुज्रिएको फेलापरेको समाग्री बरामद गरि नगरपालिकाको कवजामा राखिएको चन्द्रपुर नगरपालिकाकी उप मेयर रामरती चौधरीले बताउनुभयो । उनले बताए अनुसार पुरै बजार अनुगमन सकेपछि म्याद गुज्रिएको फेलापरेको समाग्री बरामद गरि एक मुसठ नष्ट गर्ने बताउनुभयो । यता जिल्लामा रहेको १८ वटा स्थानिय तह मध्य १७ वटा स्थानिय तहको बजार अनुगम तर्फ ध्यान जान सकेको छैन । अन्य पालिकाको बजार अनुगमन नहुँदा उपभोक्ताहरु ठगिन बाध्य बनेका छन् ।