काठमाडौं, १८ कात्तिक । नेपाल उद्योग वाणिज्य महासंघको वरिष्ठ उपाध्यक्षमा वर्तमान उपाध्यक्ष चन्द्रप्रसाद ढकालले उम्मेदवारी दर्ता गराउनु भएको छ । मंगलबार महासंघको केन्द्रीय कार्यालय टेकूमा ढकालसहित उनको प्यानलका सबै उपाध्यक्ष पदका उम्मेदवारहरुले उम्मेदवारी दर्ता गराउनु भएको हो ।

ढकाल प्यानलबाट बस्तुगत उपाध्यक्षमा उमेशलाल श्रेष्ठ, जिल्लानगर उपाध्यक्षमा गुणनिधि तिवारी र एशोशियट उपाध्यक्षमा रामचन्द्र संघईले उम्मेदवारी दर्ता गराउनु भएको छ । यसैगरी महासंघको केन्द्रीय सदस्यमा हेमराज ढकाल, कमला श्रेष्ठ, आकास अधिकारी, जय सिबाकोटी, सुबास भण्डारी, प्रकाश सिंह कार्की, भक्त हमाल, सुबोध कुमार गुप्ता, सुमित केडिया, रबिन कुमार श्रेष्ठ, नरेश लाल श्रेष्ठले उम्मेद्वार दर्ता गराउनु भएको छ ।

महासंघको ५४औं वार्षिक साधारणसभा तथा निर्वाचन आगामि मंसिर ११, १२ र १३ गते काठमाडौंमा हुँदैछ । गत चैत्रमा हुनुपर्ने महासंघको ५४औं साधारणसभा तथा निर्वाचन कोभिड–१९ का कारण स्थगित भएको थियो । पछि पटकपटक साधारणसभा तथा निर्वाचनको मिति तोकिए पनि कोभिड–१९ को संक्रमण रोकथाम तथा नियन्त्रणका लागि सरकारले जारी गरेका लकडाउन तथा निषेधाज्ञाका कारण साधारणसभा हुन सकेको थिएन ।

उम्मेदवारी दर्तापछि बोल्दै ढकालले कोभिड–१९ र अन्य विभिन्न कारणबाट उत्पन्न व्यवसायिक समस्या समाधान र मुलुकको आर्थिक सम्मृद्धिमा सशक्त निजी क्षेत्रको खाँचो रहेकोले आफूले उम्मेदवारी दिएको बताउनु भयो । उहाले अहिलेको जटिल परिस्थिथिमा महासंघमा सशक्त र डाइनामिक नेतृत्वको आवश्यकता रहेको बताउँदै आफ्नो समूहमात्र अहिलेको समय र परिस्थिति अनुकूल नेतृत्व हुनसक्ने दावी गर्नुभयो ।

‘व्यवसाय र व्यवसायीलाई बचाउन, अहिलेको समस्याबाट मुलुकको समग्र अर्थतन्त्रलाई बचाउन र मुलुकको विकास र सम्मृद्धिमा सरकारसँग हातेमालो गर्न तथा निजी क्षेत्रको विकासमा रचनात्मक भूमिका निभाउन हामीले उम्मेदवारी दिएका छौं,’ उहाले बताउनुभयो ।चैतमा हुनु पर्न निर्वाचन कोरोना संक्रमणले देशभरी लकडाउन हुदा ८ महिनापछि हुन लागेको हो ।

निर्वाचनमा होमिएको अर्काे टिम प्रधानको प्यानलबाट जिल्ला नगरतर्फको उपाध्यक्षमा दिनेश श्रेष्ठ, वस्तुगततर्फको उपाध्यक्षमा अन्जन श्रेष्ठ र एसोसिएटतर्फको उपाध्यक्षमा सौरभ ज्योति लगायतको टिम रहेको छ । ढकालसंगको प्रतिपर्धामा उत्रिएका किशोर प्रधानले सबै व्यावसायिक समस्याहरुको समाधान गर्न आफ्नो समूह सक्षम रहेको बताउनुभयो ।

कोरानोको कहर अझै पनि नसकिएपनि निजि क्षेत्रको नया“ नेतृत्वको लागि महासंघको निवार्चन आगामी मसिर ११, १२ र १३ मा हुदै छ । निर्वाचनको तालिका सार्वजनिक भएसंगै मनोदय दर्ता तथा चुनावी चुनावी सरगर्मी फेरी सुरु भएको हो । महासंघलाई निर्वाचनबाट सक्षम नेतृत्व आवश्यक रहेकोले अनिर्णयको बन्दीमा निर्वाचनबाट अगाडी बढाउन ढकाल प्यानलको टिम सक्षम भएको जिल्ला नगरतर्फको उपाध्यक्षमा गुणनिधि तिवारीले बताउनु भयो ।

कोरोना सक्रमणका बिचमा हुन लागेको महांसंघको निर्वाचन स्वास्थ्य सुरक्षालाई ध्यानमा राख्दै तीन स्थानबाट मतदान गर्ने व्यवस्था मिलाईको छ । महासंघले राष्ट्रिय प्रज्ञा प्रतिष्ठान, कमलादी, कार्की ब्याङकेट बबरमहल र नेपाल उद्योग वाणिज्य महासंघ कार्यलय टेकुबाट मतदान गर्ने व्यवस्था गरिएको छ ।