काठमाडौं, २८ कात्तिक ।  नेपालमा कोरोना भाइरस ९कोभिड–१९० का सङ्क्रमितको सङ्ख्या दुई लाख ६ हजार तीन सय ५३ पुगेको छ । शुक्रबार थप दुई हजार एक सय ११ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

त्यस्तै गएको २४ घण्टामा तीन हजार पाँच सय ३७ जना निको भएर फर्किएसँगै डिस्चार्ज हुनेको सङ्ख्या एक लाख ६८ हजार एक सय २९ पुगेको छ ।

अब नेपालमा ३७ हजार २२ जना सक्रिय सङ्क्रमित आइसोलेशनमा रहेका छन् । यस्तै नौ सय ८६ जना क्वरेण्टीनमा रहेको मन्त्रालयले जनाएको छ ।

यस्तै गएको २४ घण्टामा १३ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या एक हजार दुई सय दुई पुगेको छ ।

यसैबीच पछिल्लो २४ घण्टामा काठमाण्डौ उपत्यकामा एक हजार दुई सय सात जनामा सङ्क्रमण देखिएको मन्त्रालयले जनाएको छ । शुक्रबार काठमाण्डौमा नौ सय १९ जना, भक्तपुरमा एक सय आठ जना र ललितपुरमा एक सय ८० जना नयाँ सङ्क्रमित थपिएका हुन् ।