काठमाडौं, १३ मंसिर । नेपाल कम्युनिष्ट पार्टी (नेकपा)का स्थायी कमिटीका सदस्य जनार्दन शर्माले आफु हारेर पनि पाटीलाई जिताउन शीर्ष नेताहरुलाई आग्रह गर्नुभएको छ । आफुले हारेर पनि पार्टी राष्ट र जनतालाई जिताउन प्रधानमन्त्री ओली र प्रचण्डलाई शर्माले सुझाव दिनुभएको हो ।

सर्वाधिक चासोका रुपमा हेरिएको (नेकपा) सचिवालय बैठक आज बस्दैछ । बैठकअघि ट्वीट गर्दै नेता शर्माले लेख्नु भएको छ “आफु हारेर पार्टीलाई जिताउ, अनि भन म नेता हुँ ।”

शर्माले नेता बन्न आफैभित्रको इमान नापेर हेर्न आग्रह गर्नुभएको छ । पार्टीको सिद्धान्त, विधि र पद्धति ब्यवहारमा लागु गर्न आग्रह गर्दैै उहाले “आफुलाई नेता हुँ भन्नेले सर्वप्रथम आफै भित्रको इमान नापेर हेर। संस्थागत मूल्य बोध गर। सिद्धान्त बिधि पद्धतिलाई व्यवहारमा लागु गरेर प्रमाणित गर”, नेता शर्माले भन्नुभ भएको छ “अनि आफु हारेर पार्टीलाई बचाएर भन म नेता हुँ।त्यसो भए बिधिले जित्ने छ। यसपटक बिधिले जित्यो भने राष्ट्र,वर्ग र जनताको जीत हुनेछ। अन्यथा ‘।।”
नेता शर्माले को प्रति लक्षित गर्नुभएको हो त्यो भने खुलाएका छैनन् । तर सचिवालयका नेताहरुलाई आफ्नो इमान नापेर हेर्न आग्रह भने गर्ने भएको छ ।