काठमाडौं १ पुस । सत्तारुढ दल नेकपाका एक चौथाई बढी सांसदले संसदको विशेष अधिवेशन माग गरेका छन् । औपचारिक रुपमा विशेष अधिवेशन माग गरेको निवेदन राष्ट्रपति कार्यालयमा दर्ता गर्न स्थायी समिति सदस्य भीम रावल, पम्फा भूसाल सहितका नेताहरुले विहान दिउंसो १२ बजेदेखि राष्ट्रपति कार्यालय शितल निवासमा त्यहाँका सचिव हरि पौडेललाई कुरिरहेका छन् । पौडेल आफ्नो मोवाइल फाने स्विच अफ गरेर सम्पर्कमा अझै नआएको नेता भीम रावलले बताए ।
यता प्रधानमन्त्री निवास बालुवाटामा जारी स्थायी समितिको बैठक केही समय रोकेर दुईजना अध्यक्ष र महासचिव विष्णु पौडेल छलफलमा जुटेका छन् । प्रम ओलीले राष्ट्रपति कार्यालयमा पठाएको निवेदन फिर्ता लिन प्रचण्डलाई आग्रह गरेका छन् । जबाफमा प्रचण्डले हिजो जारी अध्यादेश फिर्ता र संसदको हिउंद अधिवेशन आह्वान गरे मात्र विशेष अधिवेवशनको निवेदन फिर्ता हुने जबाफ दिएका छन् ।
प्रचण्ड–नेपाल पक्षीय नेताहरुले प्रम ओलीले असंवैधानिक रुपमा संसद विघटन गर्न सक्ने ठानेर संसदको विशेष अधिवेशनको निवेदन दर्ता गराउन गएका हुन् ।