काठमाडौं ३ पुस, । सभामुख अग्नि सापकोटाविरुद्ध परेको मुद्धामा शुक्रबार सुनुवाई नहुने भएको छ ।

प्रधानन्यायाधीश चालेन्द्रशम्शेर जबरा, दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठको संवैधानिक इजलासमा सापकोटाको मुद्दाको पेसी तोकिएको थियो । तर शुक्रबार उक्त मुद्धाको सुनुवाईमा पालो नआएपछि हेर्न नभ्याइने सर्वोभ्च अदालतले जनाएको छ ।

सापकोटाको मुद्दाको पृष्ठभूमि

अग्नी सापकोटामाथि काभ्रेका अर्जुन लामाको हत्यामा संलग्न भएको आरोप छ । २०६ वैशाख १६ गते काभ्रेको श्रीकृष्ण मावी, दाप्चामा अभिभावक भेला स्थलबाट लामा अपहरणमा परेका थिए । साउन तेस्रो साता लामालाई खाल्डो खन्न लगाएर ज्यूँदै गाडेको भन्दै उनकी पत्नी पूर्णिमायाले २०६४ सालमा कनकमणि दिक्षितहरुको योजनामा जाहेरी दिएकी थिइन् ।

तर काभ्रे प्रहरीले प्रहरीले जाहेरी लिन नमानेपछि त्यसविरुद्ध पूर्णिमायालाई सर्वोच्चमा रिट हाल्न दिक्षित र शुशील प्याकुरेलहरुको समूहले लगायो । रिटमा २२ फागुन २०६४ मा सर्वोच्चले आदेश दिएपछि जाहेरी दर्ता भको थियो ।

त्यही मुद्धा राजनीतिक उद्धेश्यबाट प्रेरित हुंदै हाल सर्वोच्चको संवैधानिक इजलासमा विचाराधीन छ ।