काठमाडौं, १८ पुस । प्रधानमन्त्री केपी शर्मा ओलीले प्रतिनिधिसभा पुनर्स्थापना नहुने बताउनु भएको छ । राजधानीमा आयोजित सभामा बोल्दै ओलीले देश चुनावमा गइसक्यो भन्दै संसद पुनर्स्थापना हुन्छ भनेर कसले भन्यो ? उहाँले प्रश्न राख्नुभयो। ‘संसद पुनर्स्थापना भयो भने प्रधानमन्त्रीलाई प्रधानमन्त्री बनाउने भन्ने कुरा भइरहेका छन्, कहाँबाट आयो यो ? निर्वाचन आयोग, सुरक्षा निकाय चुनावमा लागिसके,’ उहाँले भन्नुभयो । ओलीले देशमा अस्थिरता र लोकतन्त्र खतरामा परेपछि संविधानसभा विघटन गरेको बताउनुभयो । उहाले आफूलाई स्थापित भन्ने मिडियामा भड्काउन जाली र प्रायोजित समाचार आउने गरेको दाबी गर्नुभयो । ओलीले आफूले नेतृत्व गर्न पाइराख्यो भने देश सर्लक्कै देश खायो भनेर केही मान्छेलाई भत्भती पोलिरहेको समेत बताउनुभयो । अर्का अध्यक्ष पुष्प कमल दाहाल प्रचण्ड र माधव नेपालतर्फ लक्षित गर्दै उहाले भन्नुभयो , ‘मैले केही वर्षअघि भनेको थिएँ ? गोरु नांगै देख्दा मलाई लाज हुँदैन। मानवीय सभ्यता र मर्यादा ख्याल गर्दा हुन्थ्यो। देख्नेहरूलाई धेरै लाजभइसक्ययो उहाँहरूका कृत्यले।’