काठमाडौँ, १८ पुस ।  प्रधानमन्त्री केपी शर्मा ओलीले नेकपाको आधिकारीकता अदालतबाट आफैंलाई प्राप्त हुने जीकिर गर्नुभएको छ । संसद् विघटन र पार्टीको आधिकारिकताबारे अदालतबाट आफ्नै पक्षमा फैसला आउने ठोकुवा गर्नुभएको हो । काठमाडौं जिल्लाका आफूनिकट कार्यकर्ताहरूको कार्यकर्ता भेलामा नेकपा अध्यक्षसमेत रहेका प्रधानमन्त्री ओलीले आधिकारिक व्यक्ति को हो र आधिकारिक पार्टी तथा निर्णय को हो भन्ने छुट्याउन सर्वोच्च अदालत सक्षम रहेको बताउनुभयो । कार्यक्रमा चर्चित कलाकार चार्ली च्याप्लिनको कथा सुनाउँदै ओलीले पार्टीको आधिकारिकताको विषयमा अदालतले आफ्नो पक्षमा फैसला दिने बताउनुभयो ।

उहाँले भन्नभयो एक पटक चार्ली च्याप्लिनजस्तो को छ भनेर प्रतिस्पर्धा भएछ । त्यसमा चार जना अन्तिममा पुगेछन् । त्यो प्रतियोगितामा चार्ली च्याप्लिन पनि सहभागी भएको रहेछ । तर अन्तिम चारमा ऊ पुगेको रहेनछ, उनले थपे, हाम्रो अदालतले को हो असली चार्ली च्याप्लिन भन्ने पत्ता लगाउँछ ।

कुम हल्लाइ, कपालमा लगाएको जेल र जुँगाबाटै पत्ता लगाउँछ । सर्वोच्च अदालत सक्षम रहेको भन्दै ओलीले आफ्नो पक्षमा फैसला आउनेमा कार्यकर्ताहरूलाई विश्वस्त हु्न आवश्वास दिनुभयो । ओलीले दाहाल पक्षलाई अझै पनि पार्टीका बैठकमा आउन आग्रह समेत गर्नुभयो । उहाले नेकपा प्रचण्ठ नेपाल पक्षका अध्यक्ष माधवकुमार नेपाल र वरिष्ठ नेता झलनाथ खनाललाई पार्टीमा फर्किन आग्रह गर्नुभएको छ । आफूले झैं देशको चिन्ता गर्न प्रचण्ड र नेपाल पक्षलाई ओलीले आग्रह समेत गनुभएको छ । उहाले निर्वाचनमा मुलुक गइसकेको भन्दै अन्यथातिर नलाग्न पनि आग्रह गर्नुभयो ।