काठमाडौं, २८ पुस । पछिल्लो २४ घण्टामा नेपालमा थप चार सय ३० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार मङ्गलबार थपिएकासँगै कुल सङ्क्रमितको सङ्ख्या दुई लाख ६५ हजार ६ सय ९८ पुगेको छ ।कोरोना निको हुनेको सङ्ख्या पनि दुई लाख ५९ हजार तीन सय ५८ पुगेको छ । पछिल्लो २४ घण्टामा तीन सय ९० जना कोरोना सङ्क्रमणमुक्त भएका छन् । त्यस्तै पछिल्लो २४ घण्टामा पाँच जनाको ज्यान गएसँगै कोरोना सङ्क्रमणका कारण ज्यान गुमाउनेको सङ्ख्या १९ सय ३२ पुगेको छ ।
प्रतिक्रिया दिनुहोस्