काठमाडौं, २९ पुस । प्रधानमन्त्री केपी शर्मा ओलीले सत्तारुढ नेपाल कम्युनिष्ट पार्टी (नेकपा)को आधिकारिकता विवादमा निर्वाचन आयोगले लेखेको पत्रको जवाफ दिनुभएको छ । बुधबार आयोगलाई पत्र लेख्दै ओलीले आफू आधिकारिक भएको पुष्टि गर्ने ८ वटा कागजातहरु पनि बुझाउनु भएको छ । ओलीले पहिलो अध्यक्ष र पदाधिकारीको हैसियतमा आफूले पठाएको दस्तावेजहरु अभिलेखिकरण हुने र अन्य कोहीकसैले पठाएको सामग्री अभिलेखिकरण नगर्नसमेत आयोगलाई आग्रह गर्नुभएको छ । ओली ११ पेजको पत्रमार्फत आयोगलाई पार्टी नफुटेको तथा पार्टीको पहिलो अध्यक्ष र पदाधिकारी आफूनै रहेको पनि स्पष्ट पार्नुभएको छ । त्यसकारण पुष्पकमल दाहाल प्रचण्ड र माधव कुमार नेपालको पत्रको औचित्य नभएको ओलीको जिकीर छ ।
प्रतिक्रिया दिनुहोस्