काठमाडौं, ४ माघ । निर्वाचन आयोगले संघ, प्रदेश र स्थानीय तहमा प्रतिनिधित्व गर्ने दलहरूलाई आयोगको कार्यालयमा बोलाएको छ। आगामी वैशाखमा हुने भनिएको निर्वाचनबारे छलफल गर्न दलहरूलाई आज बोलाइएको आयोगका प्रवक्ता राजकुमार श्रेष्ठले बताउनुभयो । प्रधानमन्त्री केपी शर्मा ओलीले पुस ५ गते प्रतिनिधि सभा भंग गरेर वैशाख १७ र २७ गते निर्वाचनको मिति तय भएको छ । तर यस सम्बन्धी मुद्दा सर्वोच्च अदालतमा विचाराधीन रहेका बेला आयोगले भने निर्वाचन तयारी थालेको छ। मतदान केन्द्र र मतदान स्थल, मतदाता नामावली अद्यावधिकलगायत विषयमा दलहरूसँग आयोगले छलफल गर्न लागेको हो।
‘निर्वाचन सम्बन्धी अहिलेसम्म भएका तयारीबारे पनि जानकारी दिने कार्यक्रम तय भएको आयोगले जनाएको छ । केही बेरपछि आयोगको कार्यालयमा राजनीतिक दलहरूका प्रतिनिधिसँग छलफल हुने छ ।
१ श्रावण २०८३, शुक्रबार
प्रतिक्रिया दिनुहोस्