सुर्खेत ,८ पुस । गएराति सुर्खेत बसपार्कस्थित तरकारी बजारमा आगलागी भएको छ ।
आगलागीबाट झण्डै ४ करोड बराबरको धनमाल जलेर नष्ट भएको अनुमान गरिएको छ । अागलागीबाट झण्डै अाधा दर्जन फेन्सी पसल, सब्जी मण्डी, र नास्ता पसलमा पूर्ण रूपमा क्षति पुगेकाे छ । बसपार्कबाट सम्राट हाेटलतर्फ जाँदा बायाँ साईटमा रहेका पसलहरूमा लागेकाे अागाे निभाउन वीरेन्द्रनगर नगरपालिकाकाे दमकल, स्थानीय पानी ट्यांकर, डाेजर प्रयाेग गरिएको थियाे । साथै आगाे नियन्त्रणमा लिन नेपाल प्रहरी, नेपाली सेना, सशस्त्र प्रहरी, स्थानीयबासी जुटेका थिए ।
शुक्रबार राति ९ बजेबाट सुरु भएको आगलागी नेपाल प्रहरी, नेपाली सेना, सशस्त्र प्रहरी र स्थानीयहरुको प्रयासमा ३ घण्टापछि नियन्त्रणमा आएको थियो । विद्युत सर्ट भई आगलागी भएको प्रहरीले जानकारी दिएको छ ।
प्रतिक्रिया दिनुहोस्