काठमाडौं , ११ पुस । एभरेष्ट प्रिमियर लिग (ईपीएल) क्रिकेटको आज भएको खेलमा भैरहवा ग्लाडिएटर्सले चितवन टाइगर्समाथि ६ विकेटको जित निकालेको छ । जितसंगै भैरहवाले क्वालिफायरमा स्थान बनाएको छ भने पोखरा राइनोज इलिमिनेटर राउण्डमा पुगेको छ ।

कीर्तिपुरको त्रिवि क्रिकेट मैदानमा पहिले ब्याटिङ गरेको चितवनले २० ओभरमा ९ विकेट गुमाएर ८७ रन बनायो । चितवनले सुरुदेखि नै विकेट गुमाउन थालेको थियो । चितवनको कुनै पनि ब्याट्सम्यानले मैदानमा टिकेर खेल्न सकेनन् । दिपेन्द्र सिंह ऐरी र योगेन्द्र सिंह कार्कीले समान १५–१५ रन बनाए ।

शरद भेषावकरले ३ विकेट लिए भने हरिशंकर साह र भुवन कार्कीले २–२ विकेट हात पारे ।
८८ रनको सामान्य लक्ष्य पछ्याएको भैरहवाको पनि सुरुवात राम्रो रहेन । दुवै ओपनरलाई २२ रनको स्कोर हुदा गुमाएको भैरहवाले तेस्रो विकेटका भुपेन्द्र थापा पनि व्यक्तिगत १३ रनामा आउट भए ।

तर, रोहित पौडेल र पुनित मिश्रले चौथो विकेटका लागि ४६ रनको साझेदारी गर्दै जितको आधार बनाए । रोहित व्यक्तिगत २० रनमा आउट भए । पुनित मिश्र ३० रनमा आउट भए भने कप्तान शरद भेषावकरले पनि ८ रन मात्र बनाए ।

चौथो बलमा कमल सिंह ऐरीले नो बल फालेपछि भैरहवा ४ विकेटले विजयी बन्यो ।

समूह चरणको सबै खेल जितेको विराटनगर वारियर्स समूहको शीर्ष स्थानमा छ । अब अघिल्लो चरणमा पुग्ने अन्तिम टोलीको टुंगो पोखरा र ललितपुरबीच हुने समूह चरणको अन्तिम खेलबाट लाग्नेछ ।