काठमाडौं, २७ असार । वीर अस्पतालको सर्जिकल भवनको प्रधानमन्त्री केपी शर्मा ओलीले उद्घाटन गर्नुभएको छ ।आइतबार बिहान महाबौद्धमा आयोजित कार्यक्रममा प्रधानमन्त्री ओलीले सर्जिकल भवनको उद्घाटन गर्नुभयो ।उक्त भवन २०७४ साल फागुनमा प्रधानमन्त्री ओलीबाट शिलान्यास भएको थियो। समयभित्रै भवन निर्माण गरेकोमा शर्मा निर्माण कम्पनीलाई प्रधानमन्त्री ओलीले धन्यबाद समेत दिनुभएको छ । यस भवनमा कोरोना संक्रमितलाई राखेर उपचार यसअघिदेखि नै सुरू भइसकेको छ। सर्जिकल भवनमा सेवा दिन सरकारले ८ सय ३१ जना चिकित्सकलगायतको दरबन्दी स्वीकृत गरेको थियो। प्रधानमन्त्री ओलीले जनताको स्वास्थ्यलाई महत्व दिनुपर्ने बताउनुभयो ।‘जनताको जीवन रक्षा पहिलो कर्तव्य हो,’ प्रधानमन्त्री ओलीले भन्नुभयो । कोरोना खोप ल्याउने र जनतालाई लगाउने उहाँले बताउनुभयो ।
१७ भदौ २०८३, बुधबार
प्रधानमन्त्रीद्धारा वीरअस्पतालको सर्जिकल भवन उद्घाटन
प्रतिक्रिया दिनुहोस्