काठमाडौं । सर्वोच्च अदालतको फैसला आएलगत्तै विपक्षी गठबन्धको बैठक जारी छ । वन पैदावार उद्योग व्यवसायी महासंघको कार्यालयमा जारी बैठकमा कांग्रेस, माओवादी, एमालेको माधव नेपाल समूह र जनता समाजवादी पार्टीको उपेन्द्र-बाबुराम समूह सहभागी छ ।
बालुवाटारमा एमालेको स्थायी कमिटी बैठक बोलाइएकै बेला माधव नेपाल विपक्षी गठबन्धनको बैठकमा सामेल भएका हुन् । उनीसँग स्थायी समिति सदस्य रघुजी पन्त छन् ।
सर्वोच्च अदालतले दुई भोलि बेलुका ५ बजेसम्म कांग्रेस सभापति देउवालाई प्रधानमन्त्री नियुक्त गर्न समेत परमादेश जारी गरेको छ । सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादी पार्टीका उपेन्द्र यादव र बाबुराम भट्टराईलगायत नेताहरू सहभागी छन् ।
प्रतिक्रिया दिनुहोस्