२८ साउन, काठमाडौं । नेकपा माओवादी केन्द्रका सांसद मातृका यादवले परमादेशबाट सरकार बनेको भन्नेहरुलाई सांसद पदबाट राजीनामा दिन सुझाव दिएका छन् । बिहीबार प्रतिनिधिसभाको विशेष समयमा बोल्दै उनले यस्तो सुझाव दिएका हुन् ।

‘हामी हाउसमा परमादेशबाट आएका होइनौ, जनादेशबाट आएकाहौ। संविधानले संवैधानिक विवाद वा कानुनी विवाद उठ्यो भने त्यसको ब्याख्या गर्ने अधिकार सर्वोच्चलाई नै दिएको छ ’ उनले भने, ‘उहाँहरुलाई ्परमादेशको भुत सवार छ भने संसदबाट राजीनामा दिए हुन्छ । परमादेश भन्ने अनि जनादेशको अपमान गर्ने जजसलाई लागेको छ, राजीनामा दिए हुन्छ । यो सरकारले ६ महिनामा चुनाव गराइदिइहाल्छ ।’जो मानसिक रुपमा असन्तुलित छ त्यसले परमादेशभन्छ ।’

‘संविधान लेख्ने, सही भन्ने र उत्सव मनाउनेले संविधानको आफूखुसी प्रयोग गर्ने काम रोक्दा परमादेशबाट आएको हो भन्ने पूर्वप्रधानमन्त्री के पी शर्मा ओलीलाई यो हाउसमा नआइकन राजीनामा गर्न पनि उनले संसद बाटै आग्रह गरेका छन ।