पुस २०, टोकियो जापान ।
जापानमा बस्ने नेपालीहरुले जापानको संस्कार र संस्कृति बुझ्न नसक्दा समस्या झेल्नु परेको जापानमा नेपालीहरुका लागि काम गर्ने संस्थाका अगुवाहरुले बताएकाछन् ।
अंग्रेजी नयां वर्ष २०१८ का अवसरमा गैर आवासिय नेपालीहरुको संस्था एन आर एन जापानले आयोजना गरेको शुभकामना आदान प्रदान कार्यक्रममा बोल्ने वक्ताहरुले जापान आउनुपुर्व जापानको नियम कानुन र संस्कार बुझेर मात्र जापान आउन नेपालीहरुलाई सुझाव दिए । उनीहरुले नेपालीका लागि गठन गरिएका संस्थाहरुमा राजनितिक गन्ध आउन नहुने भन्दै सामाजिक संस्थाहरु गैर राजनितीक हुनुपर्ने बताएका थिए । कार्यक्रममा बोल्ने अधिकांस वक्ताहरुले नेपालीले आफ्नो देशमै लगानी गरी देश फर्कने वातावरणको लागी पहल गर्न समेत नेपाल सरकारलाई अनुरोध गरेका थिए ।
नेपालीले जापानमा रहदा ससानाहरु कुराहरुमा ध्यान नपु¥याउंदा जापानी समुदायमा नेपालीहरुको उपस्थिति र पहिचान नराम्रो बन्दैै गएको प्रति सहभागि वक्ताहरुको चिन्ता थियो ।
टोकियोको सोलमारी मुरा हलमा आयोजित कार्यक्रमा एनआरएन जापानले एक सय दिनमा सम्पन्न गरेको कामहरुको विवरण प्रस्तुत गरेको थियो । एनआरएन जापानका कार्यबाहक अध्यक्ष देबिलाल भण्डारीको सभापतित्वमा भएको कार्यक्रममा जापानमा क्रियाशिल नेपाली संघसंस्थाको सहभागीता रहेको थियो ।