काठमाडौं । नेकपा एमालेका सचिव योगेश भट्टराईले नेकपा एकीकृत समाजवादी पार्टीका अध्यक्ष माधवकुमार नेपाल एमालेमै फर्किने बताउनुभएको छ । पोखरामा प्रेस चौतारी नेपाल कास्कीले पोखरामा गरेको पत्रकार सम्मेलनमा बोल्दै भट्टराईले वरिष्ठ नेता नेपालसहितको एमाले बनाउन आफूहरुले धेरै प्रयास गरेको बताउनुभयो । माधव नेपालकै सहमतिमा कार्यदल बनाइएको, नेपालकै रोहबरमा १० बुँदे सहमति गरिएको तर नेपालले नै नमानेर हिडेको भट्टराईको भनाइ थियो ।

सबै नेता, कार्यकर्ता कोही व्यक्तिको पछाडि नलाग्ने भट्टराईको दाबी छ । सुरुमा नेपाल खेमामा रहेका र अन्तिम समयमा ओली खेमामा गएका भट्टराईले आफूहरुले माधव नेपाललाई धोका नदिएको बताउनुभयो । अध्यक्ष बन्न नेताहरुले गरेको लालसा र आफूबाहेक अरुलाई नस्वीकार्ने पारिपार्टी नेपालका नेताहरुमा देखिएको भट्टराईले बताउनुभयो । पार्टीको कार्यकारी पदमा ७० वर्षको उमेर हद लागु भएपछि नया“ पुस्ताले ठाउ“ पाउने भट्टराईको विश्वास थियो । यो सरकार असफलतर्फ गइसकेकाले अब फेरि एमालेकै सरकार बन्ने भट्टराईले दाबी गर्नुभयो ।

यो सरकारले अन्तर्राष्ट्रियस्तरमा विश्वसनियता पनि गुमाइसकेको उहा“को भनाइ थियो । संसदलाई विधेयक दिन नसकेको, बजेट पारित गराउन नसकेर बजेट होलिडेको अवस्था आएको र एमसीसीका कारण एकमत हुन नसकेका कारण यो सरकार धेरै नटिक्ने भट्टराईले बताउनुभयो ।