काठमाडौं । भारतीय टेस्ट क्रिकेट टिमका कप्तान विराट कोहलीले राजीनामा दिएका छन्। शनिबार एक विज्ञप्ति जारी गर्दै कोहलीले कप्तानीबाट राजीनामा दिएको बताएका हुन्।सन् २०१४ मा टेस्ट क्रिकेट टिमको कप्तानी सम्हालेका कोहलीले आफूले यस अवधिभर इमानदारितापूर्वक काम गरेको बताए। ‘यात्राका क्रममा धेरै आरोह अवरोह आए तर त्यसलाई डग्मगाउन दिइनँ’, विज्ञप्ति जारी गर्दै उनले भनेका छन्।

उनले आफूलाई कप्तानीको अवसर दिएको भन्दै भारतीय क्रिकेट नियन्त्रण बोर्डलाई धन्यवाद दिएका छन्। दुई महिनाअघि मात्रै टी–ट्वान्टी क्रिकेट टिमको कप्तानीबाट उनले राजीनामा दिएका थिए। यस्तै दक्षिण अफ्रिकाले तेस्रो तथा निर्णायक टेस्टमा भारतलाई ७ विकेटले हराएको छ। पहिलो टेस्ट गुमाए पनि त्यसपछि लगातार दुई जितसँगै घरेलु टोलीले तीन टेस्ट खेलको सिरिज २(१ ले जितेको हो।सिरिजमा भारतले अग्रता लिए पनि जोगाउन भने सकेन। यसपालि उसलाई दक्षिण अफ्रिकामा पहिलोपटक टेष्ट सिरिज जित्ने मौकासमेत थियो । भातले दिएको २ सय १२ रनको सामान्य लक्ष्य पछ्याएको दक्षिण अफ्रिकाले चौथो दिन ६३।३ ओभरमा ३ विकेट गुमाउँदै पूरा गर्‍यो।

उसका लागि किगन पिटरसनले सर्वाधिक ८२ रन बनाए। यो टेस्ट करियरकै उच्च प्रदर्शन गर्ने क्रममा उनले १ सय १३ बलमा १० चौका प्रहार गरेका थिए। रास्सी भान डर डुसेन ४१ र टेम्बा बभुमा ३२ रनमा अविजित रहे। तेस्रो दिनको अन्तिम समयमा कप्तान डिन एल्गर ३० रनमा क्याच आउट भएका थिए।ओपनर एडेन माक्ररमले १६ रन जोडेका थिए। भारतका लागि मोहम्मद शामी, शार्दुल ठाकुर र जस्प्रित बुमराहले १–१ विकेट लिए। त्यसअघि भारत दोस्रो इनिङमा ६७।३ ओभरमा १ सय ९८ रनमा अल आउट भएको थियो। पहिलो इनिङमा १३ रनको अग्रता लिएको भारतले समग्रमा २ सय १२ रनको विजयी लक्ष्य प्रस्तुत गरेको थियो।

त्यसअघि भारत दोस्रो इनिङमा १ सय ९८ रनमा अल आउट भयो। पहिलो इनिङमा १३ रनको अग्रता लिएको भारतले समग्रमा २ सय १२ रनको विजयी लक्ष्य प्रस्तुत गरेको हो।भारतका लागि विकेटकिपर ऋषभ पन्तले सतकीय पारी खेले। करियरकै चौथो सतक प्रहार गर्ने क्रममा पन्तले १ सय ३९ बलमा ६ चौका र ४ छक्का प्रहार गर्दै १०० रन बनाएर आउट भए।

कप्तान विराट कोहलीले २९ र के एल राहुलले १० रन बनाउनुबाहेक अन्य कुनै पनि ब्याटरले राम्रो प्रदर्शन गर्न सकेनन्। मयंक अग्रवाल ७, चेतेश्वर पुजरा ९, अजिंक्या रहाणे १, रविचन्द्रन आश्विन ७ र शार्दुल ठाकुर ५ रनमा आउट भए। दक्षिण अफ्रिकाका मार्को ज्यानसनले सर्वाधिक ४ विकेट लिए । कागिसो रबाडा र लुन्गी एनगिडीले समान ३–३ विकेट हात पारे।