काठमाडौँ, १६ चैत । पछिल्ला दिन लगातार ओरालो लाग्दै आएको शेयर बजार आज (बुधबार) एकाएक दोहोरो अंकले सकारात्मक रहेको छ। उतार चढावबीच बजार परिसूचक नेप्से ४० अंकले उकालो लागेर २५ सय ६८ पुग्यो । सबै समूहमा हरियाली छाउँदा कारोबार पनि मंगलबार को तुलनामा सामान्य सुधारिएर सवा दुई अर्ब पुग्यो । बीमा समूहमा सबै भन्दा उच्च २ सय अंक हाराहारीको बृद्धि आयो ।

विकास बैंक समूह पनि डेढ सय अंक बरारबरले उकालो लाग्यो । अरु पनि अधिकांश जसो समूह दोहोरो अंकले सकारात्मक रहेका छन । यस दिन नेपाल स्टक एक्सचेन्जमा २ सय ३२ कम्पनीको ४५ लाख कित्ता शेयर २ अर्ब २५ करोडमा किनबेच भएको एक्सचेन्जले जनाएको छ । यस दिन १ सय ७८ कम्पनीका लगानीकर्ताले कमाउँदा १३ काले गुमाएर भने ४ कम्पनीको मूल्य स्थिर रहेको पनि नेप्सेले जनाएको छ । यस दिन पनि इमर्जिङ नेपाल, राष्ट्र उत्थान लघुवित्त, नेष्डो समृद्ध लघुवित्त वित्तीय संस्थाका लगानीकर्ताले सबैभन्दा उच्च दरमा कमाएका छन।