काठमाडौँ, १९ चैत । प्रधानमन्त्री शेरबहादुर देउवा र भारतीय समकक्षी नरेन्द्र मोदीले चारवटा परियोजनाको संयुक्त रूपमा उद्घाटन गरेका छन् । भारतको हैदरवाद हाउसमा नेपाल-भारत उच्चस्तरीय बैठक सम्पन्न भएपछि उहाँहरूले त्यहींबाट भर्चुअल रूपमा चार वटा परियोजनाको उद्घाटन गरेका हुन् ।
संयुक्त रूपमा उद्घाटन गरिएका परियोजनामा भूकम्पपछि पुनर्निर्माण भएका १३२ वटा स्वास्थ्य चौकी, नेपाल र भारतबीच रुपी कार्ड सञ्चालन, ९० किलोमिटर लामो १३२ केभीको सोलु करिडोर प्रसारण लाइन र कुर्था-जयनगर ३५ किलोमिटर रेल सेवा रहेका छन् ।
प्रतिक्रिया दिनुहोस्