काठमाडौँ, २५ बैशाख । नेकपा एमालेका स्थायी कमिटी सदस्य घनश्याम भूसालले नेपाली कांग्रेससँग एजेण्डा नभएर गठबन्धनको साथ लिएको बताउनुभएको छ । रुपन्देहीको बुटवलमा नेकपा एमालेले आयोजना गरेको चुनावी सभालाई सम्बोधन गर्दै भूसालले कांग्रेस लामो इतिहास भएको पार्टी भए पनि आफ्ना एजेण्डा नभएको आरोप लगाउनुभयो ।
‘कांग्रेसका आफ्ना दीर्घकालीन योजना छैनन् अनि गठबन्धनको साथ लिएर मत माग्न जान बाध्य भएको छ’ भूसालले भन्नुभयो, ‘नेपालमा समाजवाद ल्याउन, विकास र समृद्धिका लागि एमालेको पूर्ण बहुमत आवश्यक छ ।’ अहिले एमालेविरुद्ध सबै शक्ति मिलेकाले एमाले पनि एकजुट हुनुको विकल्प नभएको उहाँले बताउनुभयो । एमालेले चुनाव जितेका क्षेत्र र पालिकामा नमुनायोग्य काम भएको भूसालले बताउनुभयो ।
प्रतिक्रिया दिनुहोस्