काठमाडौँ, २७ बैशाख । नेकपा (एमाले) का अध्यक्ष केपी शर्मा ओलीले स्थानीय तहको निर्वाचनमा आफ्नो पार्टीको जित सुनिश्चित भइसकेको दावी गर्नुभएको छ । पूर्वप्रधानमन्त्री समेत रहनुभएका अध्यक्ष ओलीले आफूहरू एमालेको जितका लागि बैशाख ३० गतेको प्रतिक्षामा रहेको पनि बताउनुभयो ।

मंगलबार काठमाडौंमा आयोजित चुनावी सभामा बोल्दै उहाँले आफ्नो पार्टीले देश र जनताको हितका लागि पनि अत्याधिक बहुमतका साथ स्थानीय तह निर्वाचनमा जित्नुपर्ने जिकीर गर्नुभयो । एमालेले जितेमात्रै राष्ट्र निर्माणको अभियानले गति लिने उहाँको भनाइ छ । यसअघि बोल्नुभएका काठमाडौं महानगरपालिकाका एमालेका मेयरका उम्मेदवार केशव स्थापितले आफूहरू विजयी हुने र एक वर्ष भित्रै काठमाडौंमा रहेको फोहोरको समस्या समाधन समाधान गर्ने आश्वासन दिनुभएको थियो ।

कार्यक्रममा ओलीले नेकपा (एकीकृत समाजवादी) का सल्लाहकार पुण्य गौतमलाई पनि पार्टीमा स्वागत गर्नुभएको थियो ।