काठमाडौँ, २९ बैशाख । बर्दियामा स्थानीय तहको निर्वाचनको लागि निजामती कर्मचारी, संस्थानका कर्मचारी र सुरक्षाकर्मी गरी ५ हजार ८ सय १ जना कर्मचारी परिचालन भएका छन ।

प्रमुख जिल्ला अधिकारी बर्दियाका बन्धु प्रसाद बास्तोलाले दिएको जानकारी अनुसार स्थानीय निर्वाचनका लागि जिल्लाका ८ वटै पालिकामा निजामती र संस्थानका कर्मचारी गरी ३ हजार १ सय १ जना परिचालन भएका छन्। स्थानीय तह निर्वाचनका लागि २ हजार ७ सय नेपाली सेना, सशस्त्र प्रहरी र नेपाल प्रहरीका सुरक्षाकर्मी परिचालन गरिएको प्रमुख जिल्ला अधिकारी बास्तोलाले बताउनुभयो ।

बर्दियामा ३ सय ७१ मतदान केन्द्र र १ सय ५३ मतदान स्थल रहेका छन् । बर्दियाका ३ सय ७१ मतदान केन्द्र २९ मतदान केन्द्र संवेदनशील भएको र अन्य मतदान केन्द्र भने सामान्य रहेको छ । सुरक्षाको विश्लेषणगरि त्यसै अनुरुप सुरक्षा प्रबन्ध मिलाईएको प्रमुख जिल्ला अधिकारी बर्दियाका बन्धु प्रसाद बास्तोलाले बताउनुभएको छ ।