काठमाडौं, ७ असार । पाँचवर्ष अघि कारगारको पारवाहन बसबाट भाग्ने कोसिसको क्रममा दुईजना गार्डको हत्या गर्ने अमेरिकाको जर्जियाका एकजना कैदीलाई मृत्युदण्ड सुनाइएको छ ।सन् २०१७ मा सार्जेन्टद्वय क्रिस्टोफर मोनिका र कर्टिस बिल्लुलाई हत्या गरेको अभियोगमा रिको डुवोसलाई एक अदालतको न्यायाधीशहरूको इजलासले सर्वसम्मतबाट मृत्युदण्डको सजाय सुनाएको हो ।

उनलाई त्यसअघि सोमबार हत्याको अभियोगमा दोषी ठहर गरिएको थियो । सोही काण्डमा मुछिएका अर्का कैदी डोन्नी रोविलाई भने अदालतले आजीवन कारावास सजाय सुनाएको छ । सन् २०१७ को १३ जुनमा एटलान्टाको दक्षिण पूर्वमा रहेको पुटन्याम काउन्टीमा बसबाट भाग्न सफल ती दुवैलाई घटनाको केही दिनपछि टेन्नेस्सी सहरबाट गिरफ्तार गरिएको थियो । डुवोसले गोली चलाएर दुवै गार्डको हत्या गरेका थिए । सन् २०१५ मा शसस्त्र डकैती गरेको अभियोगमा २९ वर्षिय डुवोसले २० वर्ष लामो कारावास सजाय भुक्तान गरिरहेका थिए ।

एपीबाट ।