काठमाडौं, ४ माघ । प्रदेश नं. ७ को अस्थाई राजधानी डोटीलाई बनाउनुपर्ने माग गर्दै जारी रहेको आन्दोलनले उग्र रुप लिएको छ । बिहीबार प्रहरी र आन्दोलनकारीबिच झडप हुदा ३ जना घाइते भएका छन् ।
क्षेत्रीय प्रशासन कार्यालय डोटीमा आन्दोलनकारीले ढुंगामुढा गरेपछि प्रहरीले १० राउण्ड अश्रुग्यास प्रहार गरेको छ । आन्दोलनकारीलाई अश्रुग्यास प्रहार गर्दा दिपायल सिलगढी नगरपालिका– ४ का ४३ वर्षका भरत विक, सोही नगरपालिका– १ का ४० वर्षका नारायण खड्का र केआई सिंह गाउँपालिकाका करी भण्डारी घाइते भएका छन्। विकलाई उपचारका लागि धनगढी रिफर गरिएको छ । अन्य दुई जनाको उपचार सुजङ अस्पताल राजपुरमा भइरहेको बताइएको छ।
प्रतिक्रिया दिनुहोस्