काठमाडौँ, १४ साउन । – यु २० साफ च्याम्पियनसिपअन्तर्गत शुक्रबार भएको खेलमा भारतले पहिलो जित निकालेको छ ।भारतको भुवनेश्वरस्थित कालिंगा रंगशालामा जारी प्रतियोगितामा शुक्रबार भएको पहिलो खेलमा भारतले श्रींलकालाई ४–० ले पराजित गरेको थियो ।
भारतसँग पराजित भएको श्रीलंका भने तेस्रो हारसँगै प्रतियोगिताबाट बाहिरिएको छ । श्रीलंका पहिलो खेलमा बंगलादेशसँग १–० ले र दोस्रो खेलमा नेपालसँग ३–० ले पराजित भएको थियो ।
भारतलाई जित दिलाउन पार्थिव सुन्दर गोगाईले दुई, हिमान्सु जान्ग्रा र गुरकिरत सिंहले समान एक गोल गरे । जितसँगै दुई खेलबाट तीन अंक जोडेको भारत तेस्रो स्थानमा छ । यसअघि भारत पहिलो खेलमा बंगलादेशसँग २(१ अन्तरले पराजित भएको थियो ।
प्रतिक्रिया दिनुहोस्