काठमाडौं, २९ साउन । नेकपा एमालेका प्रमुख सचेतक विशाल भट्टराईले राष्ट्रपति विद्यादेवी भण्डारीले नागरिकता विधेयक जनताको भावना बुझेर फिर्ता पठाएको बताएका छन्।
एमालेको कारणले नभएर जनताको भावनाअनुसार राष्ट्रपतिले विधेयक फिर्ता पठाएको उनले बताए।राष्ट्रपतिले हाम्रो कारणले विधेयक फिर्ता पठाउनुभएको होइन। जनताको भावना बुझेर फिर्ता पठाउनुभएको हो। हामीले वैवाहिक अंगीकृतको सवालमा सात वर्षे प्रावधान राख्नैपर्ने माग गरेका थियौं।
त्यसमा सहयोग भएन, उनले भने।राष्ट्रपतिबाट विधेयक फिर्ता भएकाले अब त्यो प्रावधान राख्न दबाब दिइने उनले बताए। संघीय संसदबाट पारित भएको नागरिकता विधेयक साउन १५ मा राष्ट्रपति समक्ष प्रमाणीकरणका निम्ति पुगेको थियो।उक्त विधेयक पुनर्विचार गर्नुपर्ने भन्दै राष्ट्रपति भण्डारीले आइतबार फिर्ता पठाएकी हुन्।
प्रतिक्रिया दिनुहोस्